Бүгд сайн байцгаана уу. Би Майдар ахтай ярьж суугаад та бүгдээсээ нэг зүйл асуумаар санагдлаа. Ер нь хүмүүс эх оронч үзлийн талаар, эх орноо аварч үлдэхийн тулд, харь улсын далд явуулгад уусахгүйн тулд хэл соёлоо дээдэлж, үр ачдаа өвлүүлэн үлдээх хэрэгтэй гэж олон хүн бичжээ. Магадгүй яг одоо ч бичсээр л байгаа байх. Гэхдээ миний санахад тэр бичлэгүүдийг бичиж байгаа эрхэм блогчин та өөрөө ч хэл соёлоо дээдлэхгүй байх шиг. Бичсэн бичлэгүүд, үлдээсэн сэтгэгдэлүүд, энэ БлогМн гэх айлын хаа сайгүй л хаанаас гаралтай нь үл ойлгогдох, ихэнхдээ урд хөршийнхний хэлтэй ойролцоо дуудагдахаар аялгатай үгсээр дүүрэн байна. Уг нь тэдгээр нь монгол үгс байх шиг байгаан. Мөхөс миний хомсхон ухаанаараа шүүж үзээд нэрийдсэнээр бол МОНГОЛ БИШ МОНГОЛ ҮГС. За за хэтэрхий том том юм ярьчих шиг боллоо. Гол санаа гэвэл монгол үгсийг монголоор нь хэрэглэцгээе. Бас дээр нь болж өгвөл харь хэлнээс зээлсэн үгийг ч аль болох эх хэлэндээ хөрвүүлэн ашиглаж байцгаая аа гэж хүсэж байгаа юм. Тэгээд эрхэм блогчдын ерөнхий нэр болсон БЛОГ гэх энэ үгийг монгол хэлрүү орчуулбал ямар үг болох вэ.
Жич: Та нарын саналыг сонсохгүй бол яагаад ч оновчтой хэллэг олж чадахгүй байна. Тиймдээ ч энэ бичлэгтээ хүртэл блог, блогчин гэх үгсийг ашиглалаа.