Арай том нэр өгчихвүү дээ. За ямартай ч хааяа ч болов миний блогоор шагайж бичлэгийг минь уншиж байсан, яг одоо энэ бичлэгийг уншиж байгаа хүмүүсд баярлалаа гэж хэлье. Бас миний орж унших дуртай блогуудын блоггеруудад ойрдоо бичлэгүүдийг чинь уншиж, сэтгэгдэл үлдээж амжихгүй байж магадгүй шүү гэж хэлье.  Эцэст нь блогмн.нэт-дээ блог бичих, блог унших гэдэг нь сайхан ажлаа ойрын өдрүүдэд түр орхихоор шийдсэнээ хэлье. Учир нь сайхан зүйлд хэтэрхий татагдаад үндсэн зорилгоосоо хазайх гээд байх шиг байна. Яг л Одиссей шулмын арал дээр 3 жилээ үрдэг шиг. Би гэхдээ блогмн-ийг шулмын арал гэж хэлж байгаа юм бишшүү. Зүгээр л эрх чөлөөтэйгөөр үзэл бодлоо илэрхийлэх, хэнээс ч ичилгүй дотор хүнээ ил гаргах боломж өгдөг тийм сайхан, хаашаа юунд зорьж явсныг ч мартуулж чадахаар тийм газар гэдэг утгаар зүйрлэж бичлээ. Магадгүй энэ жилийг дуустал, багаар бодоход энэ жилийн milestone-доо хүртэл уулзахгүй байх. За за ер нь хэн нь ч надаар дутаж сүйд болохгүй биздээ. Гэхдээ эцсийн удаа өнөөдөр сайхан блогдчихъё. Миний бичлэгийг уншиж сэтгэгдэл үлдээвэл баяртай байх болно. Хэсэгхэн хугацаанд ч гэсэн хамт байсанд баярлалаа. Бас санаснаа гүйцээчээд дараа нь завтай болохоороо блогуудыг чинь уншиж сэтгэгдэл үлдээнээ. Бөөгнүүлж байгаад нэг уншихаар бүр сонирхолтой байх байхдаа.
Өө хэтэрхий их юм нуршчихжээ. Ингээд өндөрлөе. За бүгдэд амжилт. Баяртай.